Almatydaǵy máıithana kúzetshisi qaıtys bolǵan adamdardyń denelerin qorlady dep aıyptalǵan is boıynsha sot sheshimi shyqty.

Er adam birneshe ret qaıtys bolǵan adamdardyń denelerine qol júgirtip, ıntım jerlerin ustaǵany úshin aıyptalǵan. Sonymen qatar, ol bul áreketterdi vıdeoǵa túsirgeni anyqtaldy.

Sot talqylaýy barysynda er adamnyń aqyl-esi durys emes ekeni belgili boldy. Osyǵan baılanysty ol qylmystyq jaýapkershilikten bosatyldy.

"Qazaqstan Respýblıkasy Qylmystyq kodeksiniń 16-babyna sáıkes B.-ny QR QK-nyń 314-baby 2-bóligi 1-tarmaǵy ("Qaıtys bolǵan adamdardyń denelerin jáne olardyń jerlengen oryndaryn qorlaý") boıynsha qylmystyq jaýapkershilikten bosatý jáne qylmystyq isti toqtatý. QR QK-nyń 91-baby 1-bóligi 1-tarmaǵyna, 93-baby 1-bóligi 3-tarmaǵyna sáıkes aıyptalýshyǵa arnaıy psıhıatrıalyq stasıonar jaǵdaıynda májbúrli emdeý túrindegi medısınalyq májbúrleý sharalaryn qoldaný taǵaıyndaý", – delingen sýdıa sheshiminde.

2024 jylǵy sáýirde Almatydaǵy máıithanada nekrofılıa deregi belgili boldy. Máıithananyń kúzetshisi ustaldy. Keıin jańa málimetter anyqtaldy: nekrofılıaǵa kúdikti qyzmetker resmı túrde jumysqa alynbaǵan eken.