Ekologıa jáne tabıǵı resýrstar mınıstri Erlan Nysanbaev kólikti 5 mınýttan astam qyzdyrsa, ekologıaǵa qandaı zıan keletinin aıtty.

Bul norma jalpy zańda bar, buryn paıdalanylǵan joq. Ereje 20 jyldan astam ýaqyt bar. Árıne, eldi mekenderdiń ekologıalyq jaǵdaıyn túzeý úshin bostan-bos qyzyp turǵan kólikti tártipke keltirý máselesin qoldaımyz, - dedi mınıstr Úkimet otyrysynan keıin ótken baspasóz máslıhatynda.

Nysanbaev bul aıyppul salyp, búdjetke túsimdi kóbeıtýdiń máselesi emes ekenin atap ótti.

Al búgingi bolyp jatqan jaǵdaı aıyppul salyp, búdjetke túsimdi kóbeıtýdiń máselesi emes. Jalpy biz máselelerdi jan-jaqty qarastyryp jatyrmyz. Mysaly, Almaty qalasynyń kire beristerinde 19 ekologıalyq post qoıdyq. Astana men Almatynyń ózinde ǵana 600-700 myńdaı tirkelgen bolsa, kúnine kiretin kóliktiń sany 400 myńnan astam. Sonyń bári ekologıalyq turǵydan qaraǵanda qozǵaltqyshy bostan-bosqa sóndirilmegen kólik, árıne, qorshaǵan ortany lastaýǵa úles qosady. Sol sebepten biz ony eki qolmen qoldaımyz, - deıdi Ekologıa mınıstri.