Májilismen depýtattyq saýalynda Donald Tramp AQSH prezıdenti bolyp saılanǵan soń elde zańmen er men áıel jynysy shegelengenin eske saldy. 

Bul – LGBT-ǵa, ıaǵnı tabıǵı jaratylysqa qarsy jynoınaq toptarǵa biz túgili, endi AQSH-ta zańmen tyıym salynady degen sóz. Bul jańalyq Batysty ózderine qorǵaýshy sanap júrgen qyztekelerge tóbelerinen jaı túskendeı bolǵany anyq. Osy tusta, barlyq qyztekelerge "Dádá Donaldtan" jalyndy sálem! Bul rette, AQSH prezıdentiniń sheshimi májilis depýtattarynyń LGBT-ǵa qarsy ustanymymen ushtasty. Óıtkeni biz májiliske kelgeli beri ultymyzdyń bolashaǵyna balta shaýyp júrgen azǵyn jolmen kúresip kele jatyrmyz. Men biletin úkimetke keminde birneshe naqty depýtattyq saýal joldandy”, – dedi ol.

Jańbyrshın elde LGBT-ny nasıhattaýǵa tyıym salýdy kózdeıtin arnaıy zań normalaryn da ázirlegenin aıtady. Alaıda keıbir sheneýnikter batys elderi ókilderiniń "demokratıany shektep jatyrsyńdar", "adam quqyǵyn taptap jatyrsyńdar" degen ustanymdaryn jeleý qylyp, qarsylyq bildirdi deıdi. 

“Tipti LGBT ókilderi jáne olardyń sybaılastary depýtat áriptesterime jáne olardyń otbasylaryna áleýmettik jelide, buqaralyq aqparat quraldarynda jappaı aqparattyq shabýyldar uıymdastyrdy. Biraq bul kúreste biz jalǵyz qalǵan joqpyz. Kózi ashyq, kókiregi oıaý azamattar, jalpy qoǵam bizdi qoldap E-petition.kz memlekettik platformasynda LGBT nasıhatyna qarsy petısıa jarıalady. Nebári 2 aptada petısıa 50 myń qol jınaǵanyn bilemiz. 
Bul neni kórsetti?! Bul ulttyq bolmysymyzǵa jat, LGBT aǵymyna halyqtyń ashyq qarsy ekenin kórsetti. Al parlament birinshi kezekte halyqtyń múddesin eskerip, ony naqty zańnamamen iske asyrýǵa tıis”, – dep qosty ol.

Saýalynda depýtat joǵaryda atalǵan petısıa talaptaryn tolyq qanaǵattandyryp, barlyq platformada, áleýmettik jelilerde LGBT-ny nasıhattaıtyn zań normalaryn usynatynyn jáne ony úkimet qanaǵattandyrýǵa tıis dep málimdedi. 

Sondaı-aq LGBT-ny qoldap, májilis depýtattaryna aqparattyq shabýyldardy uıymdastyrǵan tulǵalardy taýyp, jazalaý qajet deıdi.