Elimizde turǵyn úılerdiń kireberisine turǵyn úıdiń máselesin talqylaımyz degen jeleýmen QR kodtar ilingen. Alaıda ol alaıaqtardyń aılasy bolýy múmkin deıdi.

"Úıimizge qatysty máselelerdi talqylaýǵa arnalǵan telegram arna ashyldy. Topqa qosylý úshin tómendegi QR-kodqa ótińiz" degen jazýmen qaǵaz ilingen. Alaıda Ulttyq kompúterlik ınsıdentterge áreket etý ortalyǵy sarapshylarynyń aıtýynsha, jalǵan QR arqyly kodtar uıaly telefondaǵy kontaktiler men jeke akkaýnt aılakerlerge ótedi. Sondyqtan polıseıler jalǵan siltemelerden saq bolýǵa shaqyrady.

“Siz QR kodty skanerlegennen keıin saıt ashylady. Sol saıtty ashqannan keıin sizden belgili bir aqparat suralady. Mysaly bank kartańyzdyń rekvızıtterin suraýy múmkin. Eger siz rekvızıtterdi engizseńiz, birden alaıaqtardyń qolyna túsip, kartańyzdan aqshany sheship alýy múmkin. Jeti ret ólshep, bir ret kes deıdi. Sondyqtan deregińizdi engizbes buryn birneshe ret ózińizge suraq qoıyp, odan keıin ǵana sheshim qabyldańyz”, – dedi aqparattyq qaýipsizdik mamany Dıas Ábdiǵazızov.

Eger jalǵan QR-kodty skanerleseńiz, birden bankke qońyraý shalyp, esepshottaryńyzdyń qupıa sózin ózgertýińiz qajet. Sondaı-aq ınternet arqyly tólemniń óship turǵanyn tekserińiz.

Qazaqstandyqtar bir jylda alaıaqtarǵa shamamen 11 mıllıard teńgeden astam aqshasyn bergen. Finprom.kz. saıtynyń málimetine súıensek, aılakerlerdiń 25% azamattarmen telefon arqyly sóılesip, qarjysyn jymqyrǵan eken. Halyqtyń 18 % jýyǵy áleýmettik jeliler arqyly san soǵyp qalǵan.