Ol atap ótkendeı, densaýlyq saqtaýǵa shyǵystardyń aıtarlyqtaı ulǵaıǵanyna qaramastan, azamattardyń medısınalyq qyzmetterdiń kórsetilýine qanaǵattaný deńgeıi tómendep barady.

Máselen, sońǵy 3 jyldyń ózinde densaýlyq saqtaýǵa shyǵystar 2,8 ese artty, al halyqtyń qyzmetterdiń sapasyna qanaǵattaný deńgeıi 47 paıyzǵa deıin tómendegen. Densaýlyq saqtaý mınıstrligi mindetti áleýmettik medısınalyq saqtandyrý nátıjeleriniń biri sanalatyn dıagnostıkalyq qyzmetterdiń turaqty ósip jatqany týraly únemi esep beredi. Olardyń derekteri boıynsha konsýltasıalyq – dıagnostıkalyq qyzmetter sany, kompúterlik jáne magnıttik-rezonanstyq tomografıa qyzmetteriniń sany 7 ese ósken, - deıdi Espaeva.

Alaıda depýtattyń aıtýynsha, dıagnostıkalyq qyzmetterdiń ósýi aýrýdy erte anyqtaýǵa eshqandaı áser etpegen.

Tipti, keıbir jaǵdaılarda bul qyzmetter qajettiliktiń joqtyǵyna qaramastan taǵaıyndalǵan. Atalǵan salany qarjylandyrý kólemi ulǵaısa da sheshimin tappaǵan júıeli problemalar áli bar, - dedi Danıa Espaeva Úkimet saǵatynda.