Qańtar oqıǵasynda ustalǵan Qaırat Qudaıbergen 8 jylǵa, al Arman Jumageldıev 20 jylǵa sottaldy.

Qańtar oqıǵasynda jappaı tártipsizdikterdi uıymdastyrýǵa qatysty degen kúdikpen ustalǵan kásipker Qaırat Qudaıbergen 8 jylǵa bas bostandyǵynan aıyryldy. Al Arman Jumageldıev 20 jylǵa bas bostandyǵynan aıyryldy.

Qudaıbergenge qoǵamdyq qyzmetpen aınalysýǵa tyıym salyndy jáne ol "Qurmet" ordeninen aıyryldy. Jumageldıevke de endi qoǵamdyq qyzmetpen aınalysýǵa bolmaıdy.

Qaırat Qudaıbergen 2022 jyldyń 22 sáýirinde Qańtar oqıǵasyna qatysty dep ustalǵan edi. Qudaıbergen jappaı tártipsizdik uıymdastyrdy jáne qatysty degen kúdikke ilingen. Sonymen qatar tergeý nusqasyna sáıkes Jumageldıevpen birge "Qazaqstan" qonaqúıinde jıyn uıymdastyrǵan. 

Buǵan deıin "Qalaýlym" baǵdarlamasy arqyly tanylǵan Berdah Beketov Qańtardaǵy búlikke qatysqany úshin 7 jylǵa sottalǵan edi.