5-shi "EO-Ortalyq Azıa azamattyq qoǵam forýmy" BUU agenttikteri men azamattyq qoǵam uıymdarynyń 150-den astam ókiliniń basyn qosty.

Qazaqstannyń Azamattyq Alánsynyń prezıdenti Baný Nurǵazıeva elimizde azamattyq qoǵam, qoǵamdyq keńestiń damý qarqyny joǵary ekenin atap ótti.

- Bul forým bizge kerek jıyn. İs-sharada aıtylyp, talqylanyp jatqan máseleler óte ózekti. Ortalyq Azıanyń azamattyq forýmy damıtyn bolsa, onda memleketterde myqty bolmaq. Sonymen qatar Eýropalyq Odaq pen Ortalyq Azıanyń elderi jaqsy qarym-qatynasta bola bermek. Qazaqstanda azamattyq qoǵamnyń damý qarqyny óte joǵary. Sońǵy jyldary birtalaı zańnama ózgertildi. Konstıtýsıaǵa engizilgen ózgeristerdiń arqasynda qazirgi tańda birtalaı jaqsy zańdar shyǵa bastady. Onyń ishinde qoǵamdyq keńes jaıly aıtylǵan. Qoǵamdyq keńes durys jumys isteý úshin onyń quramy 100% qoǵam ókilderinen quralý kerek. Áli kúni bizde 70%-y qoǵam ókilderi al qalǵandary memlekettik organdar nemese basqa saladan kelgen. Bizde sondaı-aq qoǵamdyq qabyldaý jaıly zań qabyldandy. Bizdiń elimizde qoǵamdyq qabyldaý óte jaqsy jolǵa qoıylǵan. Alys-jaqyn elderdiń adamdary bizdiń qoǵamdyq uıymdardyń jaqsy jumys istep jatqanyn aıtyp, bizge qyzyǵa qarap jatady, - dedi Qazaqstannyń Azamattyq Alánsynyń prezıdenti Baný Nurǵazıeva.