Ǵylym mınıstrligi sózdikti damytatyn mekemeni aıqyndady.
Ǵylym jáne joǵary bilim mınıstrligi Qazaq tiliniń ulttyq sózdik qoryn qoldap otyrýǵa jáne damytýǵa jaýapty zańdy tulǵa retinde Shaısultan Shaıahmetov atyndaǵy "Til-Qazyna" ulttyq ǵylymı-praktıkalyq ortalyǵyn belgiledi. Bul týraly Ashyq NQA portalyndaǵy qujat jobasynan belgili boldy. 
"Til-Qazyna" ortalyǵy ǵylymı zertteýler, bilim berý tehnologıalary men qosymsha bilim berý ázirlemeleri salasyndaǵy qyzmetti júzege asyrady.
Eske salaıyq, Qazaqstanda qazaq tilin qorǵaý jáne saqtaý úshin biryńǵaı aqparattyq júıe qalyptastyrý jáne qazaq tiliniń ulttyq sózdik qoryn qurý kózdelip otyr. Jańa zańǵa sáıkes, mátinderdi óńdeý jáne taldaý maqsatynda jasandy ıntellekt negizinde qazaq tiliniń tildik modeli qurylady.