QYZYLORDA. QazAqparat - Óńirlik keńes músheleriniń kelisimimen jáne «Atameken» Ulttyq kásipkerler palatasy basqarma tóraǵasynyń buıryǵymen Qyzylorda oblysynyń kásipkerler palatasy dırektorynyń mindetin atqarýshy bolyp Myrzalıev Darhan Jarylqaǵanuly taǵaıyndaldy. Bul týraly oblystyq kásipkerler palatasynyń baspasóz qyzmeti habarlady.

Myrzalıev Darhan Jarylqaǵanuly 1976 jyly 20 qazanda Qyzylorda oblysy Qazaly aýdanynda  týǵan. Taldyqorǵan zań ınstıtýtyn «zańger» (1998 j.), Qorqyt Ata atyndaǵy QMÝ-in «memlekettik jáne jergilikti basqarý» (2007 j.) mamandyǵy boıynsha bitirgen.

1994-1995 jyldary - Máskeý aýdandyq halyqtyq sotynyń sot oryndaýshysy (Almaty q.);

1995-2001 jyldary - Qyzylorda oblystyq ádilet basqarmasynyń zańdy tulǵalardy tirkeý bóliminiń jetekshi mamany, bas mamany, bólim basshysynyń orynbasary (Qyzylorda q.);

2001 jyly - Qyzylorda oblystyq sotynyń bas mamany - sot májilisiniń hatshysy (Qyzylorda q.);

2001-2004 jyldary - Qyzylorda oblystyq sottar ákimshiliginiń qujattamalyq qamtamasyz etý bóliminiń, kadr, qujattamalyq qamtamasyz etý jáne baqylaý bóliminiń, sottardyń qyzmetin uıymdastyrý bóliminiń  basshysy (Qyzylorda q.);

2004-2007 jyldary - «Imperıa B.R.A.G» JSHS-niń, JK «Ahmetov N.S»-niń, «ABK Injınırıń» JSHS-niń  zańgeri ();

2007-2008 jyldary - QR Tabıǵı monopolıalardy retteý Agenttiginiń bas sarapshysy, bólim basshysy, basqarma bastyǵy (Astana q.);

2009-2013 jyldary - QR Densaýlyq saqtaý mınıstrligi, Memlekettik sanıtarlyq-epıdemıologıalyq qadaǵalaý Komıtetiniń Ákimshilik qamtamasyz etý basqarmasynyń bastyǵy (Astana q.);

2013 jyly «Qazkontent» AQ-nyń bas mamany (Astana q.);

2013 jyldyń qarasha aıynan Qyzylorda oblystyq kásipkerler palatasy dırektorynyń quqyq salasy boıynsha orynbasary qyzmetterin abyroımen atqardy (Qyzylorda q.).

Derekkóz: Qazaqparat