QYZYLORDA. QazAqparat - Syr óńirindegi kásipkerler palatasynyń Aral aýdandyq fılıaly janyndaǵy Kásipkerlikti qoldaý ortalyqtary jumysynyń nátıjesinde aýdanda jalpy quny 253 mln.teńge bolatyn 28 joba júzege asyrylýda. Bul týraly oblystyq kásipkerler palatasynyń baspasóz qyzmeti habarlady.
«Kásipkerler palatasynyń negizgi maqsaty aýdanymyzda kásipkerlik salasyn damytý jáne bıznes ahýaldy jaqsartý», - degen aýdandyq fılıal dırektory Qadyrhan Eńsepov kásipkerlerdiń quqyqtaryn qorǵaý jáne múddelerine ókildik etýmen qatar, eń negizgi baǵyt - kásipkerlerdiń memlekettik baǵdarlamalarǵa qatysýyna járdemdesýde ekendikterin, Ortalyq keńesshileri arqyly kásipkerlerge bıznes-josparlar tegin jasap berilip, ekinshi deńgeıli bankter jáne Óńirlik ınvestısıalyq ortalyq arqyly qarjylandyrylýyna tolyq súıemeldeý jasalyp jatqandyǵyn jetkizdi.

Jalpy Aral aýdany boıynsha 3500-ge jýyq kásipker bar. Solardyń biri Saılash Jubanıazova. Aralǵa shet elden qonaqtar jıi keledi. Osy oraıda, qonaq úı bıznesimen aınalysqan Saılash bıylǵy jyldyń maýsym aıynda aýdandyq Kásipkerler palatasynyń kómegimen Óńirlik ınvestısıalyq ortalyqtan qarjylaı qoldaý alyp, qonaq úıin qaıta jańǵyrtýdan ótkizedi. 20 oryndyq qonaq úıde kelýshilerge barlyq jaǵdaı jasalǵan. Jaıly ári jyly bólmeler, kitaphana jáne asqana - barlyǵy talapqa saı.

Jalpy, kásipkerlerdi, onyń ishinde aýyl turǵyndarynyń barlyq qarjylandyrý tetikterine  qatysý belsendiligin arttyrý maqsatynda  qurylǵan «Qyzylorda» Óńirlik ınvestısıalyq ortalyǵy oblysta arqyly esepti kezeńde 249 mln.64 myń tenge  bolatyn 43 joba qarjylandyrylyp, jumys jasaýda.   

Derekkóz: Qazaqparat