ASTANA. QazAqparat - Almaty oblysynda QR Qorǵanys mınıstrligi AOSK-nyń oqý-jattyǵý ortalyǵynda shaqyrylýǵa deıingi jastar arasyndaǵy sporttyń áskerı-qoldanbaly túrleri boıynsha respýblıkalyq týrnır bastaý aldy. Bul týraly QR Qorǵanys mınıstrliginiń baspasóz qyzmeti habarlady. 
Jastardy áskerı-patrıottyq tárbıeleýdi jetildirý Qazaqstan Qarýly Kúshteri qyzmetiniń mańyzdy quramdasy, áskerı-patrıottyq klýbtardyń jumysyn úılestirý, jastardy Qarýly Kúshterde áskerı qyzmetke daıyndaý, áskerı qyzmet ótkerý kezinde qajet olardyń daǵdysy men sheberlikterin qalyptastyrý, sondaı-aq salaýatty ómir saltyn nasıhattaý, dene turǵysynda jetildirý, jastardy áskerı-qoldanbaly jáne tehnıkaldyq daıarlaý bolyp tabylady. 

Osynyń aıasynda Almaty oblysynda shaqyrylymǵa deıingi jastar arasynda sporttyń áskerı-qoldanbaly túrleri boıynsha respýblıkalyq týrnır ótti. Aqtóbe, Shyǵys Qazaqstan, Mańǵystaý, Almaty oblysy men Almaty qalasynan jınalǵan komandalar Panfılovodaǵy sporttyq bazada bas qosty. 

Eki jas ereksheligi toptarynyń bozbalalary 14-15 jastan kishi jáne 16-17 jastan úlkender ózderiniń sporttyq sheberlikterin kórsetti. Týrnır úsh kún boıy, ıaǵnı, 16, 17 jáne 18 qazanda ótedi. Ár kúni sporttyń jekelegen áskerı-qoldanbaly túri, keshendi jekpe-jekpe týrnıri, áskerılendirilgen kros jáne pnevmatıkalyq vıntovkadan oq atý usynylatyn bolady.

Ashylý rásimi keshe 16 qazanda boldy. Oǵan jeńil atletıkadan olımpıadalyq chempıon Olga Shıshıgına, sporttyń áskerı-qoldanbaly túrleri boıynsha QR memlekettik bapkeri Mádenıet Jaqypov, QR QM SK-AOSK-nyń tárbıe-ıdeologıalyq jumystary bóliminiń bastyǵy Meıirjan Jumabaev pen QR QM AOSK oqý-jattyǵý ortalyǵynyń bastyǵy Mıkaıl Klımatov qatysty.

Búgingi tańda Qazaqstanda óskeleń urpaqqa úlken kóńil bólinýde. Barlyq óńirlerde, qalalarda jastarymyzdyń oqýyna, sportpen shuǵyldanýyna jáne óz Otanynyń laıyqty azamatynyń barlyq qasıetterin sińirýi úshin qolaıly jaǵdaılar jasalýda. 

Derekkóz:qazaqparat