Qazaqstannyń Atom energıasy agenttigininiń málimetine sensek, AES salý jobasyna arnalǵan reaktorlyq tehnologıalardyń yqtımal jetkizýshileriniń "short-lısti" jasaqtaldy.

"Bul tizimge reseılik "Rosatom" memlekettik korporasıasymen qatar, ońtústikkoreıalyq KHNP kompanıasy, fransıalyq EDF jáne qytaılyq CNNC kompanıalary kirdi", – dep málimdedi agenttik.

Qazaqstan AES salý úshin tehnologıa jetkizýshilermen básekeli dıalog júrgizýdi aıaqtady.

"Jobany iske asyrý úshin jetkizýshini nemese konsorsıýmdy tańdaý týraly túpkilikti sheshim ulttyq múddeler eskerile otyryp, Vedomstvoaralyq komısıanyń otyrysynda qabyldanady", – dep atap ótti Atom energıasy agenttigi.

Buǵan deıin Energetıka mınıstrligi AES salý úshin konsorsıým qurý týraly habarlaǵan edi.