BÝRABAI. QazAqparat - Aqmola oblysyna qarasty Býrabaı kýrorttyq aımaǵynda bastalǵan  Táýelsiz memleketter dostastyǵy Memleket basshylary keńesiniń otyrysy barysynda QR Prezıdenti Nursultan Nazarbaev Belarýs prezıdentin saılaýdaǵy jeńisimen quttyqtady, dep habarlaıdy QazAqparat tilshisi.
«Otyrys bastalar aldynda bárimiz áriptesimiz ári dosymyz Aleksandr Grıgorevıch Lýkashenkony prezıdenttik saılaýdaǵy aıqyn jeńisimen quttyqtap, oǵan osynaý jaýapty laýazymda zor densaýlyq pen tabystar tilegenimiz durys dep oılaımyn. Sizdiń basshylyǵyńyzben Belarýs barlyq baǵyttaǵy bizderdiń ıntegrasıalyq prosesterimizdi odan ári nyǵaıta beredi dep senemin», - dedi QR Prezıdenti.

 Sonymen qatar Memleket basshysy A.Atambaev arqyly qyrǵyz halqyn 4 qazanda parlamenttik saılaýdyń tabysty ótizýimen quttyqtady. «Bul aıryqsha oqıǵa. Óıtkeni, kóptegen jyldardan beri saılaý alǵash ret tynysh ótti jáne halyq beıbit memlekette ómir súrýdi qalaıtyndyǵyn  kezekti márte óz danalyǵymen kórsetti», - dedi N.Nazarbaev.

Aıta keteıik, joǵary deńgeıdegi otyrysqa Armenıa Prezıdenti Serj Sargsán, Belarýs Prezıdenti Aleksandr Lýkashenko, Qyryzstan Prezıdenti Almazbek Atambaev, Reseı Prezıdenti Vladımır Pýtın, Ázerbaıjan Prezıdenti Ilham Álıev, Tájikstan Prezıdenti Emomalı Rahmon, Ózbekstan Prezıdenti Islam Kárimov, Moldova  Syrtqy ister jne eýropalyq ıntegrasıa mınıstriniń orynbasary Andreı Galbýr, Túrkimenstan Mınıstrler Kabıneti Tóraǵasynyń orynbasary Satlyq Satlykov, Ýkraınanyń Qazaqstandaǵy isteriniń ýaqytsha senimdi ókili Iýrıı Lazebnık, TMD Atqarýshy komıtetiniń tóraǵasy - atqarýshy hatshysy Sergeı Lebedev qatysýda. 

Derekkóz: Qazaqparat