SHYMKENT. QazAqparat - Ońtústik Qazaqstan oblysy ákimdiginiń qoldaýymen Shymkenttegi qan ortalyǵynda «Ózgege ómir syıla, donor bol» aksıasy ótti.
 Qan tapsyrý sharasyna  oblys ákiminiń orynbasary Erlan Aıtahanov «Jastar ortalyǵy» KMM-niń janynan qurylǵan «Bizben birge» eriktiler mektebiniń 200-den asa múshesin bastap bardy. Qan tapsyryp, ózgege kómek qolyn sozǵan belsendi jastar qan ortalyǵy bergen 450 teńge qarjyny qarjyny balalar úıindegi tárbıelenýshilerge kómek retinde jibergendi jón kórdi. 

 İs-sharanyń basty maqsaty - qaterli dertke shaldyqqan jandarǵa úmit    syılaý, olarǵa qoldaý kórsetip, jastar boıyna meıirimdilik pen qamqorlyq qasıetin uıalatý. Sondaı-aq, donorlar sanyn kóbeıtý. Búgingi tańda 300-ge jýyq qazaqstandyq súıek  kemistigin transplantasıalaýǵa muqtaj. 

 Elimizde leıkoz aýrýymen  600-den astam bala aýyrsa, jyl saıyn onyń 50-ge jýyǵy súıek kemistigin transplantasıalaýǵa májbúr. Balanyn aýrýdan saýyǵýy úshin, kem degende 500 donordyń kómegi kerek.  Dárigerlerdiń aıtýynsha, leıkoz aýrýymen aýyratyn naýqasqa qajetti donordy tabý múmkin bola bermeıdi eken. Sáıkes donor, on myń adamnyń bireýinen ǵana tabylýy múmkin deıdi dárigerler. 

 Oblystyq qan ortalyǵy mamandarynyń bergen málimetinshe, ortalyq qorynda qan jetkilikti. Oblysta kún saıyn 60-70 adam óz erkimen qan tapsyrady eken. Al dúnıejúzilik densaýlyq saqtaý uıymynyń aqparynsha, myń adamnyń qyryqy qan tapsyrsa, álemde qan jetispeýshiligi bolmaıdy. Sondyqtan, densaýlyǵy jaramdy árbir azamat qanyn tapsyryp, ózgege kómek qolyn sozýǵa asyǵýy kerek. 

Aıta ótken jón, qan tapsyrý aksıasy 16 qazanǵa deıin jalǵasady, dep habarlady OQO ákiminiń baspasóz qyzmeti.

Osyndaı qaıyrymdylyq sharalarynyń ótkizilýi - elimizdegi azamattyq qoǵamnyń shynaıy damýynyń kórsetkishi. 

Derekkóz: QazAqparat