QYZYLORDA. QazAqparat - Ulttyq operator «QazTransGaz» AQ «Qyzylorda oblysynyń 5 eldi mekenin gazdandyrý» ınvestısıalyq jobasy aıasynda «Jańaqorǵan» avtomattandyrylǵan gaz taratý stansasyn iske qosty.
Bul sharaǵa Qyzylorda oblysynyń ákimi Qyrymbek Kósherbaev jáne «QazTransGaz Aımaq» AQ Basqarma Tóraǵasy (Bas dırektory) Ibýlla Serdıev qatysty.
Jańaqorǵan kentin gazdandyrý aıasynda «Beıneý-Bozoı-SHymkent» magıstraldy gaz qubyrynan uzyndyǵy 7 km jetkizýshi gaz qubyry tartylyp, 2 GTP (gaz taratý pýnkti), 27 SHGTP (shkaftyq gaz taratý pýnkti) jáne 275 aýylishilik gaz qubyrlary salyndy. Nátıjesinde eldi-mekenniń 30 myń turǵyny kógildir otynmen qamtamasyz etiledi. Al bul 5410 jeke úı, 27 kóppáterli úı, 167 komýnaldyq-turmystyq kásiporyn.
Kompanıa aı sońyna deıin Aral qalasy, Shıeli jáne Áıteke bı aýyldarynda 3 AGTS qurylysyn aıaqtap, iske qosýdy josparlap otyr. Sondaı-aq, bıyl Qyzylorda oblysynyń Baıqońyr qalasyn gazdandyrý jobasyn aıaqtaýdy maqsat etip qoıdy.
«QazTransGaz Aımaq» AQ Basqarma Tóraǵasy (Bas dırektory) Ibýlla Serdıevtiń aıtýynsha, «Qazaqstanda alǵash ret 5 bes birdeı aýdanǵa kógildir otyn berilgeli otyr. Osylaısha ulttyq operator «QazTransGaz» AQ qyzmetiniń arqasynda Qyzylorda oblysynyń 190 myńnan astam turǵyny óte tıimdi ári ekologıalyq turǵyda taza otyndy paıdalaný múmkindigine ıe boldy. «Aımaqta az ǵana ýaqyttyń ishinde 1439 km gaz qubyry, 81 gaz taratý pýnkti, 258 shkaftyq pýnktter salyndy. Endi aımaq gazben qamtamasyz etýdiń jańa kezeńine ótti. Osy mańyzdy ınvestjobany júzege asyra otyryp, oblys turǵyndarynyń ómir súrý deńgeıiniń artýyna da ózindik úles qosyp otyrǵanymyzdy atap ótkim keledi», dedi saltanatty iske qosý rásimi barysynda Ibýlla Serdıev.
Aqparat:
Sońǵy 5 jylda 7 myń jańa úı gaz taratý júıesine qosyldy. İri kásiporyndar, shaǵyn jáne orta bıznes nysandary ekologıalyq turǵydan taza otynǵa aýystyryldy. 2013 jyly Qyzylorda qalasynyń gaz júıesi «Beıneý-Bozoı-SHymkent» magıstraldy gaz qubyryna qosyldy. Osylaısha oblys ortalyǵynda qys mezgilinde týyndaıtyn kógildir otyn tapshylyǵy tolyǵymen joıyldy.
Derekkóz: Qazaqparat
