PETROPAVL. QazAqparat - Petropavldyń «Bereke» shaǵynaýdanynda úsh kóppáterli úıdiń qurylysy aıaqtalýǵa jaqyn. Páter kiltin qalanyń 238 turǵyny alady.
«Aǵymdaǵy jyly Petropavlda «2020 jylǵa deıin óńirlerdi damytý» baǵdarlamasy boıynsha 2 úı tapsyrylady. Bul 90 páterlik jáne 55 páterlik úıler. Osy eki úıdiń páterleriniń 50 paıyzyn jergilikti atqarýshy organ, taǵy 50 paıyzyn - óz salymshylary úshin «Turǵynúıqurylysjınaqbanki» úlestirip jatyr. Bizdiń kezekte turǵan azamattarymyzdyń úı qujattary qabyldanyp, óńdeldi. Petropavl qalasynyń resmı saıtynda negizgi talaptar boıynsha kim ótkeni týraly aqparat bar», - dep aqparattandyrdy Petropavl qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi sektorynyń meńgerýshisi Baýyrjan Beısembaev.

Sondaı-aq Petropavldaǵy «Bereke» shaǵynaýdanynda bıylǵy jyly «Jas otbasy» baǵdarlamasy boıynsha 93 páterlik úı paıdalanýǵa beriledi. «Jumyspen qamtýdyń jol kartasy» baǵdarlamasy boıynsha jetim balalar úshin 200 orynǵa arnalǵan eki jataqhananyń qurylysy aıaqtalyp jatyr. 

Petropavlda jyl basynan beri tórt kópqabatty úı paıdalanýǵa berildi. Qonystoıyn 180 soltústikqazaqstandyq atap ótti. Oblys ortalyǵynda baspanaǵa kezekte turǵan azamattardyń sany 11 myń adamnan asyp otyr.

«Kelesi jyly bizde «Qazaqstan ıpotekalyq kompanıasy» AQ-nyń baǵdarlamasy jumys isteıdi. Iýbıleınaıa - Semashko mekenjaıy boıynsha 2015 jyldyń maýsym aıynan bastap qurylys júrgizilip jatyr. Qazirgi kezde úıdiń 2 qabaty salynǵan. Sondaı-aq úsh úı boıynsha jobalyq-smetalyq qujattama daıyndalýda. 2016 jyly bul úılerdi tapsyramyz», - dep qosty Baýyrjan Beısembaev. 

Derekkóz:QazAqparat