QYZYLORDA. QazAqparat - Qyzylorda oblysynyń ákimi Qyrymbek Kósherbaev veloshabandoz, «Saspian Servise» kompanıasynyń quryltaıshysy Andreı Kashechkın jáne ıspanıalyq «ESCATO GROUP» kompanıasynyń ókilderi Hose Lúıs pen Lýkas Kokeramen kezdesti. Bul týraly oblystyq ákimdiktiń baspasóz qyzmeti habarlady.
Kezdesý barysynda «Baıqońyr» brendin nasıhattaý jáne Baıqońyr qalasynyń týrısik áleýetin arttyrý máseleleri talqylandy.

Andreı Kashechkın UCI sanatyndaǵy velotopty qurý, Qazaqstanda týrızm salasyn damytý, Baıqońyr qalasyn búkil álemnen týrıser keletin ortalyq retinde qalyptastyrý jáne ınvestısıalardy tartatyn «Baıqońyr» jobasyn tanystyrdy. Ol ımıjdik jobalardy júzege asyrýmen aınalysatyn  «ESCATO» kompanıasymen birlese «Baıqońyr» brendin álemdik deńgeıde tanytpaq.

«Týǵan elime qaıtyp kelgende árqashan keýdemdi qýanysh kerneıdi. «Baıqońyr» brendin nasıhattaýǵa qýana-qýana úles qosamyn», - dedi Andreı Kashechkın.

«Biz qol qýsyryp otyrmaı belsendi túrde ınvestorlardy shaqyramyz jáne halyqaralyq qarjy ınstıtýttarymen birlese jumys jasaımyz. Jáne de oblysymyzdyń týrısik áleýetin arttyrýǵa múddelimiz. Siz Baıqońyrda nasıhattaýǵa yqpal etýge qyzyǵýshylyq bildirgenińiz úshin óte qýanyshtymyz», - oblys ákimi Q.Kósherbaev.

Sondaı-aq, aımaq basshysy delegasıa múshelerin qarasha aıynda ótetin Baıqońyr ınvestısıalyq forýymyna qatysýǵa shaqyrdy. 

Derekkóz. Qazaqparat