Kelesi aıdan bastap Almaty qalasy resmı túrde Túrki memleketteri uıymynyń jastar astanasy mártebesine ıe bolady. Bul týraly Memleket basshysy Qasym-Jomart Toqaev málimdedi.
Prezıdenttiń aıtýynsha, bul bastama túrki elderi arasyndaǵy dostyq pen yntymaqtastyqty kúsheıtýge baǵyttalǵan keshendi sharalardyń bir bóligi.
– Qazaqstan túrki memleketterimen baılanysty tereńdetý úshin birqatar mańyzdy qadam jasap jatyr. Máselen, Túrki memleketteri uıymynyń janyndaǵy Qazaqstannyń Turaqty ókili taǵaıyndaldy. Jaqyn arada uıym janynan Turaqty ókildik ashý josparlanyp otyr, – dedi Qasym-Jomart Toqaev.
Sonymen qatar, Prezıdent basqa da mańyzdy bastamalarǵa toqtaldy:
-
11-12 maýsym kúnderi Astanada Túrki memleketteri Parlamenttik Assambleıasynyń XIV plenarlyq otyrysy ótedi;
-
Aqtaý qalasy bıyl Túrki áleminiń mádenı astanasy bolyp jarıalandy;
-
Qazaqstannyń bastamasymen Ortalyq saılaý organdarynyń konsýltatıvtik platformasy qurylyp, alǵashqy otyrysy Túrkistanda ótti.
– Maýsym aıynan bastap Almaty qalasy Túrki memleketteri uıymynyń jastar astanasy atanady. Bul – túrki birligin arttyrýǵa baǵyttalǵan taǵy bir mańyzdy qadam, – dedi Prezıdent Toqaev.
