Óńirde jer qatynastary salasynda tártip ornatý jumystary jalǵasýda. Aqmola oblysynyń prokýratýra organdary jerdiń paıdalanylýyna júıeli qadaǵalaý júrgizedi, bul ıgerilmegen jáne zańsyz berilgen ýchaskelerdi memleketke qaıtarýǵa múmkindik beredi.
Jyl basynan beri 40-tan astam tekserýler men taldaýlar júrgizildi, olardyń nátıjeleri boıynsha ondaǵan jer ýchaskeleri memlekettik menshikke qaıtaryldy. Neǵurlym tán buzýshylyqtar jerdi nysanaly maqsaty boıynsha paıdalanbaýǵa, sondaı-aq jergilikti atqarýshy organdardyń saýda-sattyqtan tys ýchaskelerdi berýine baılanysty.
"Mundaı jaǵdaılarda prokýratýra qadaǵalaý aktilerin qabyldaıdy, olardyń nátıjeleri boıynsha jer memleketke qaıtarylady jáne zań talaptaryna sáıkes bólinedi", — dep atap ótti oblys prokýrorynyń orynbasary Marat Baqtybekuly. Máselen, Aqkól aýdanynda demalys bazalaryn qurýǵa arnalǵan, biraq eshqashan ıgerilmegen orman qorynyń 13 ýchaskesi boıynsha jaldaý sharttary buzyldy. Ereımentaý aýdanynda úsh iri aýyl sharýashylyǵy ýchaskesi qaıtaryldy, osyǵan uqsas faktiler Jarqaıyń jáne Býrabaı aýdandarynda anyqtaldy.
Sondaı-aq, prokýratýra ınvestısıalyq jobalar men baý-baqsha ósirý túrindegi jerlerdi bólý kezinde buzýshylyqtardy anyqtady. Mysaly, Zerendi aýdanynda 250 gektarǵa deıingi 30 ýchaske saýda-sattyqtan tys berildi, bul zań talaptaryna qaıshy keledi. Osy faktiler boıynsha shaǵym jumystary júrgizilýde. Jaıylym tapshylyǵy máselesin sheshýge erekshe nazar aýdaryldy. Qaıtarylǵan aýyl sharýashylyǵy alqaptarynyń bir bóligi mal jaıý úshin qoǵamdyq paıdalanýǵa beriledi. Tek eki jyldyń ishinde oblysta jaıylym tapshylyǵyn 100 myń gektarǵa qysqartýǵa múmkindik týdy.
Sonymen qatar, prokýratýranyń bastamasymen "Býrabaı" memlekettik ulttyq tabıǵı parkiniń jerlerin qaıtarý boıynsha aýqymdy jumystar jalǵasýda. Buryn jergilikti atqarýshy organdar saıabaqtyń shekaralaryn zańsyz ózgertip, júzdegen ýchaskelerdi qurylysqa berdi. Qabyldanǵan sharalardyń arqasynda ondaǵan gektar qaıtaryldy jáne ıgerilmegen jerlerdi alyp qoıý boıynsha sot jumystary jalǵasýda. "Jer zańnamasynyń saqtalýyn qadaǵalaý-bizdiń qyzmetimizdiń basym baǵyttarynyń biri. Aýmaqtyń kóp bóligi aýyl sharýashylyǵynda paıdalanylatyn agrarlyq óńir úshin árbir gektar jerdiń qoǵamǵa paıdasyn tıgizýi mańyzdy", - dep atap ótti oblys prokýrorynyń orynbasary. Jer qatynastary salasyndaǵy qoǵamdyq múddelerdi qorǵaý jónindegi jumys turaqty negizde jalǵasýda.
