QYZYLORDA. QazAqparat - Qyzylordada muǵalimderdiń tól merekesine arnalǵan «Ustaz - uly esim» atty merekelik shara ótti. Ustazdar qaýymyn oblys ákimi Qyrymbek Kósherbaev kásibı merekelerimen quttyqtap, bıylǵy jyly óz bilimderin dáleldegen 139 «Altyn belgi» ıegerleriniń alǵashqy ustazdaryna Elordamyz «Astana» qalasyna týrısik joldamalar tabystady.
«Berekeli qazannyń alǵashqy aptasynda atalyp ótetin ustazdar merekesimen shyn júrekten quttyqtaımyn. El úshin osyndaı qıyn sátte Elbasy eń áýeli muǵalimderdiń áleýmettik jaǵdaıyn jaqsartýdy eskerip, 2016 jyldyń 1 qańtarynan bastap ustazdar qaýymynyń jalaqysyn kóterý týraly tapsyrma berdi. Bilim salasynyń damýy, ustazdardy qoldaý, oqýshylar men túlekterge barynsha jaǵdaı jasaý - biz úshin qashanda eń basty mindetterdiń qatarynda bolyp qala beredi. Qyzylorda oblysy respýblıka boıynsha áleýmettik salaǵa kóp qarjy bóletin aımaqtardyń kóshin bastap keledi. Bıylǵy jyly oblys búdjetiniń úshten bir bóligi, ıaǵnı 66 mlrd teńgeden asa qarjy bilim berý salasyna bólindi. Sońǵy úsh jyldyń ishinde oblysta bilim berý salasyna bólinetin qarjy kólemi 24 mlrd. teńgege artty», - dedi aımaq basshysy.
Sondaı-aq saltanatty jıynda Syr óńiriniń týmalary akademık Asqar Jumadildaev pen aýyr atletıkadan eki dúrkin olımpıada chempıony Ilá Ilın, sondaı-aq, Moskva men Sankt-Peterbýrg qalalarynda bilim alyp júrgen stýdentter ekran arqyly ustazdar qaýymyn merekelerimen quttyqtap, jyly lebizderin arnady.
Bıylǵy oqý jylynda UBT qorytyndysy boıynsha Syr óńiri 13-orynnan aldyńǵy bestikke kóterildi. Sondaı-aq, Reseı Federasıasy Úkimeti granty esebinen Máskeý men Sankt-Peterbýrg qalalarynyń mańdaıaldy joǵary oqý oryndarynda 325 qyzylordalyq túlek bilim alýda, al Serpin baǵdarlamasy boıynsha 2,5 myń bala oqýǵa tústi.
Aıta ketý kerek, Qyzylorda oblysynda úsh aýysymmen oqıtyn mektepter máselesi tolyǵymen sheshildi. Al apattyq mektepter sany 2013 jyly 25 bolsa, onyń 14-i qaıta salynyp, qalǵan 11 bilim oshaǵyn kelesi jyldyń sońynda bitirý josparlanýda. Balalardy mektepke deıingi tárbıemen qamtýda da oń ózgerister bar. Qyzylordada «Balapan» baǵdarlamasy sátti júzege asýda. Qazir oblys kóleminde 355 balabaqsha jumys jasap tur. Bul nysandar memlekettik-jeke menshik seriktestik aıasynda salynǵan. Jyl sońyna deıin taǵy 61 jeke menshik balabaqsha paıdalanýǵa beriledi dep kútilýde.
Derekkóz: QazAqparat
