Abaı oblysynda «Zań men tártip» ıdeologıasy aıasynda júzege asyrylyp jatqan «Zań kerýeni» jobasy bul joly Abaı aýdanyna bardy. Joba aıasynda Qaraýyl jáne Kegirbaı bı aýyldarynda turǵyndarmen kezdesýler uıymdastyrylyp, azamattarǵa quqyqtyq kómek kórsetý jáne quqyqtyq saýattylyqty arttyrý baǵytynda túsindirý jumystary júrgizildi.

Kezdesýlerge quqyq qorǵaý organdarynyń, memlekettik mekemeler men salalyq qyzmetterdiń ókilderi qatysyp, turǵyndardy tolǵandyrǵan ózekti máseleler boıynsha keńes berdi. Ashyq formatta ótken qabyldaýlar barysynda aýyl turǵyndary óz suraqtaryn tikeleı qoıyp, zań talaptary men memlekettik qyzmetterge qatysty naqty jaýaptar aldy.

«Zań kerýeni» jobasy halyq pen memlekettik organdar arasyndaǵy ózara baılanysty nyǵaıtip, azamattardyń quqyqtyq mádenıetin qalyptastyrýǵa jáne shalǵaı eldi meken turǵyndaryna qoljetimdi quqyqtyq kómek kórsetýge baǵyttalǵan mańyzdy bastama retinde óz jumysyn jalǵastyrýda.