Ádette kópshiliktiń jedel járdem qyzmetine kóńili tolmaıdy. Biraq, men búgin osy sala mamandaryna rıza boldym. Qyzym túnde qulaǵy aýryp, mazasyzdandy. Jyly dáke qoıǵan soń aýyrǵany basylyp uıyqtap qalǵan. Tańerteń jylap oıandy. Qulaǵy túndegiden de qatty aýyryp turǵanyn aıtty. Jyly dáke kómektespedi. Sodan jedel járdem shaqyrdym. Olar kóp kúttirmeı keldi. Jyldam balanyń dene qyzýyn, tamaǵyn, qulaǵyn tekserip, ýkol saldy. Eń bastysy, qyzyma úlken adamsha sóılep, em - dom jasady. Óz basym aýyrǵan adamdy qymbat apparat pen dári emes, dárigerdiń janashyrlyǵy men jyly sózi emdeıdi dep oılaımyn. Búgin bizge kelip, alǵashqy medısınalyq járdem jasaǵan dárigerlerden osyny sezinip, rıza boldym. Dáriger bolý ońaı sharýa emes. Qansha adamnyń densaýlyǵyna alańdap, ómirine arasha túsetin jandarǵa qurmetpen qaraıyq. Olar da ózimiz sıaqty adam, birimizge ana, birimizge apa, birimizge baýyr, aǵa - ini. Jaqsylyǵyn asyryp alǵys aıtaıyq, maqtaıyq, syılaıyq. Sózdiń qudireti kúshti, jaman deı berse shynymen jaman bolady. Bizdiń dárigerler eń myqty, eń bilimdi, eń meıirban dep aıta bereıik, aıta bereıik. Alǵys aıtamyn, Sizderge, qurmetti dárigerler!

Gúljan Qaltaıqyzy Omarova  Feısbýk paraqshasynan