Syrtta bes mıllıon qandasymyz bar, solar elge kelý kerek. Endi kelmese olar sol mekenderine jutylyp qurıdy. Túrki tektes qazaqqa jaqyn noǵaı, qaraqalpaq syndy halyqtardy oralman baǵdarlamasyna iliktirgen jón. Aýǵanstandaǵy - qurama, qońyrat, barlas, qoralas, naıman, qypshaq syndy Aýǵanstannyń soltústiginde turatyn túrki tektes halyqtarǵa nazar aýdarý kerek. Bul halyqtar baıaǵyda Jıdeli Baısyn jerin asyp ketken bizge baýyrlas halyqtar. Ary qazsaq Aýǵanstandaǵy hazara halqy da bizge etene jaqyn halyq bop keledi. Reseıden, Qytaıdan Qazaqstanǵa qonys aýdaramyn degen túrki halyqtaryna bir jeńildikter qarastyramyz ba, buny da oılaǵan jón. Mysaly Túrkıada túrki halyqtaryna azamattyq alý - eki aq jyl. Bizge halyq sanyn kóbeıtýdi dereý qolǵa alý kerek bolyp tur. Eldegi 11 mıllıon qazaq degenimiz taza masqara - Reseımen bizdiń shekarany qorǵaýǵa bala shaǵamyzben tizilip shyqsaq da sanymyz jetpeıdi. Áıelderimiz eki baladan artyq týmaıdy. Al myna dalıǵan jerdi qaıtsek te halyqpen toltyrý kerek. Qazaq bolamyn degen halyqtardy baýyrǵa tarta bergen durys, mańymyzdaǵy túrki halyqtarynyń jaǵdaıy máz emes, osyny da paıdalanyp qalaıyq. Jalpy bul máseleniń basqa san joldary bar, sony oılasalyq

Oljas Ábil  Feısbýk paraqshasynan