Qazaq zıaly qaýymy Kedendik odaq jaǵdaıynda qazaq tiliniń órkendeıtinine múlde senbeıdi. Kerisinshe, Pýtın bıligi tusynda Qazaqstanǵa Reseı yqpaly odan saıyn kúsheıe túsedi deıdi qaıratkerler. Al, halyq múddesin qorǵaýǵa tıis Qazaqstan Parlamenti ulttyq máselede Ýkraın Radasy sıaqty kúrese ala ma?

TEMİRHAN MEDETBEK, AQYN: -Eshqandaı da kúrese almaıdy. Óıtkeni bizdiń depýtattarymyz sondaı jigersiz, sondaı namyssyz. Qajettilik týmaı qazaq tili mártebesi kóterilmeıdi. Qajettilik týdyrý kerek. Aqyn Temirhan Medetbektiń aıtýynsha, Qazaqstanda 80 paıyz halyq qazaqsha sóıleıdi degen jalǵan sóz. Onyń aıtýynsha, bılik qazaq tilin qolǵa almaı, eshteńe ózgermeıdi. Al, jazýshy Gerold Belgerdiń pikirinshe, "qazaq depýtattary til máselesin Parlamentte qoıa almaıdy da, qoımaıdy. Oǵan depýtattardyń óresi jetpeıdi, túsinigi tar. Sondyqtan, olardan eshqashan úmit kútýge bolmaıdy"- deıdi jazýshy. Sońǵy sanaq nátıjesi boıynsha, Qazaqstandaǵy halyqtyń 70 paıyzy qazaqsha sóıleıdi. Alaıda, kóptegen memlekettik organdar isti qazaq tilinde júrgizýge qulyqsyz. Birneshe mınıstr qazaq tilinde múlde baıandama jasaı almaıdy. Al, táýelsizdik alǵaly Parlamentte tek eki zań ǵana qazaq tilinde qabyldanǵan. Qalǵany - aýdarma.

31 telearna