Alash kósemi Álıhan Bókeıhannyń 150 jyldyǵy IýNESKO kóleminde toılanatyn boldy. Bul týraly IýNESKO-nyń 18 qarashada Parıjde aıaqtalǵan Bas konferensıasynyń 38-shi sesıasynda málim boldy, dep habarlaıdy «Qamshy» portaly QazAqparatqa silteme jasap.

Súıinshi habardy alashtanýshy ǵalym Sultanhan Aqqululy Júsip habarlady, dep jazady «Túrkistan» gazeti.

Álıhan Nurmuhameduly Bókeıhan (05.03.1866 jyl, Qarqaraly ýezi, Semeı oblysy, Dala ólkesi - 27.09.1937 jyl, Máskeý) - XIX ǵ. sońy men XX ǵ. basyndaǵy qazaq zıalylarynyń, qoǵam jáne memleket qaıratkerleri qataryndaǵy asa erekshe tulǵa. Kórnekti qoǵam jáne memleket qaıratkeri, ult-azattyq jáne Alash qozǵalysynyń jetekshisi, Alashorda avtonomıaly úkimetiniń tuńǵysh tóraǵasy, pýblısıs, ǵalym, aýdarmashy.