19 qarashada aıtys óneriniń beldi múshesi Sara Toqtamysova sábıli boldy. Bul týraly «Qamshy» portaly baistars.kz-ke silteme jasap habarlaıdy. 

Osydan biraz ýaqyt buryn aıtysker ınstagram paraqshasynda: «Aıtystan nege kórinbeı kettiń?» dep jatqan tyńdaýshylaryma jaýap beretin sýret. Ia, ıa meniń qazirgi shattyǵym da, qýanyshym da,qazynam da osy bir keremet kezeń bolyp tur. Áıel zaty bolǵasyn, eń basty maqsatymyz, dúnıege urpaq alyp kelý emes pe? Karera, jumys degendi kishkene qoıa turý kerek. Sizderdiń maǵan degen lebizderińizdi oqyp, meniń ónerime degen qurmetterińizdi oqyp, qýanyshyma qýanysh qosylǵandaı kúı keshemin! Kóp rahmet! Aıtys eshqaıda qashpaıdy. «Aman-esen bópemdi dúnıege ákelsem», dep duǵa etip júrmin», dep jazǵan.

Sondaı-aq, suhbattarynyń birinde: «Kóp balaly ana, áke bolý - joldasym Esil ekeýmizdiń armanymyz. Ózim shaǵyn ǵana otbasynan shyqqandyqtan bolar, úıelmeli-súıelmeli úlken otbasy bolǵanyn qalaımyn. Kózimizge kórsetken Ermuhamedim aman bolsynshy! Áıtpese, ony da kóp kúttik qoı», degen bolatyn.

Aıta keteıik, Sara Toqtamysova 1986 jyly SHQO Semeı qalasynyń Aqsýat aýdanynda dúnıege kelgen. Ol «Daryn» memlekettik jastar syılyǵynyń ıegeri.