Rejıser Qanat Beısekeevtiń AQSH-taǵy qazaqstandyq júk kóligin júrgizýshiler týraly «Truckdriver» fılmin tórt kún ishinde ǵalamtorda 93 000 adam tamashalaǵan. Bul týraly «Qamshy» portaly QazAqparatqa silteme jasap habarlaıdy.

«Tórt kún ishinde AQSH-taǵy qazaqstandyq júk kóligin júrgizýshiler týraly "Truckdriver" fılmin youtube jelisinde 53 000 adam tamashalaǵan. Al Facebook-ta 40 000 ret qaralǵan. Men muny kútpep edim, bárińizge rahmet! Sizder kóbirek jumys jasaýǵa yntalandyrasyzdar. Fılmniń keıipkerlerine aıtqan jyly sózderińizdiń olar úshin mańyzy zor», dep jazady Instagramda fılmniń avtory ári rejıseri Qanat Beısekeev (@beisekeyev).
Keshterdiń birinde Nú-Iorktegi barda Qanatqa tanys kólik júrgizýshisi Nurlan óziniń aldaǵy sapary týraly aıtyp bergen. Kelesi kúni tańerteń Qanat onyń kóligine otyryp, eki apta ishinde AQSH-tyń barlyq shtattaryn aralap shyqqan. 

Nurlan Amerıkaǵa budan jeti jyl buryn kóship barǵan. Óz otandarynan jyraqta júrse de, olardyń týǵan elge de súıispenshilikteri joǵary. 
Fılmge Nurlan Qojahmetov, Nurbek Hasen, Baýyrjan Júnisov, Rústem Qajkenov, Álıhan Jańbyrbaev, Artýr Mardanov túsken. Aýdarmasyn Danıar jáne Sandýǵash Súndetbaevtar jasaǵan.