Aýa raıynyń keleńsizdigi qostanaılyqtardy ábigerge saldy, - dep habarlaıdy «Qamshy» portaly Tengrinews.kz –ke silteme jasap.

Joldaǵy kóktaıǵaqtan qalada kólik toqtap, balalar mektepke bara almady, al eresekter jumysyna keshigip jatyr.

Aýa raıynyń aıaq asty jylynýynan qala kóshelerin muz basty. Avtobýstar shyqqan joq, qalada taksı tym az. Qalalyq ákimdiktiń málimetinshe, jol qyzmetkerleri men tehnıka tańǵy saǵat 4-ten bastap jolǵa qum jáne tuz seýip jatyr. Degenmen buz azdyq etý ústinde. Qoǵamdyq kólikter saǵat 10.00-den bastap qana jumys isteıdi. Osyny paıdalanǵan taksıshiler qyzmettiń qunyn tym kóterip jiberdi.

"Avtobýs júrmeıdi. Men avtoparkke qońyraý shaldym, avtobýstardyń saǵat 11.00-den bastap júretinin aıtty. Taksı júrgizýshileri aýdannan ortalyqqa deıin 3000 teńge surap tur. Balamen jetkenshe eki ret quladyq", - dedi jergilikti turǵyn Natalá Kýshnır.