Bul týraly búgin Úkimet otyrysynda energetıka mınıstri Vladımır Shkolnık málimdedi, - dep habarlaıdy «Qamshy» portaly.

«Biz munaı salasyna qyzmet kórsetýshi kompanıalar qaýymdastyǵymen jumys isteımiz. Qyzmet kórsetý kólemi 2015 jyly 25 paıyzǵa qysqardy. Keler jyly da osylaı jalǵasar bolsa, 40 myń adam qysqartýǵa ushyraýy múmkin» deıdi mınıstr.

V. Shkolnık munaı baǵasy bareline 50 dollardan tómen bolsa jumystan qysqartý qaýpi 10 paıyzǵa deıin ósetinin, ıaǵnı 7000 myń adamdy quraıtynyn aıtady.

«Aǵymdaǵy shyǵyndar, ıaǵnı, qyzmet kórsetý men eńbekaqy 31 paıyzǵa qysqarady. Sondaı-aq, salyqtyq tólemderdiń kólemi de azaıady degen boljam jasap otyrmyz» deıdi V. Shkolnık. Mınıstr jumystan qysqarǵan munaıshylardy «Teńizshevroıl» jobasy qurylysyna jumyldyrý josparlanyp otyrǵanyn jetkizdi.

«Eger qolǵa alǵan 13 jobany iske qossaq, qurylys kezinde 21,5 myń jumys orny, 6000 turaqty jumys orny ashylady. «Teńizshevroıldy» keńeıtý týraly sheshim osy jyldyń jeltoqsanynda qabyldanady. Keńeıtý kezinde taǵy 20 myń jańa jumys orny ashylady» dep atap ótti energetıka mınıstri.