2015 jylǵy 12 jeltoqsanda Almatyda stýdentter komandalary arasynda Táýelsizdik kúnin merekeleýge oraı mını-fýtboldan joldastyq kezdesý ótti. Kezdesýdi Qazaqstan Respýblıkasynyń sport federasıasy uıymdastyrdy.
Elbasynyń halyqqa Joldaýyndaǵy jáne halyqtyń 30 paıyzyn dene shynyqtyrýmen aınalysýǵa tartý týraly tapsyrmalaryn oryndaý, Qazaqstanda fýtzaldy nasıhattaý jáne damytý, oıynshylardyń kásibı sheberligin arttyrý, salaýatty ómir saltyn nasıhattaý jáne mını-fýtboldan Azıa chempıonatyna laıyqty komandalardy irikteý maqsatynda Qazaq sport jáne týrızm akademıasy men Qazaqstan ınjenerlik-pedagogıkalyq halyqtar dostyǵy ýnıversıtetiniń («Dostyq» komandasy, Shymkent q.) arasynda mını-fýtboldan machtyq kezdesý uıymdastyryldy.
Komandalardyń kezdesýine Qazaqstan Respýblıkasy Bilim jáne Ǵylym mınıstri Aslan Sarınjıpov qatysty.
«Jastar arasyndaǵy, onyń ishinde stýdent jastar arasyndaǵy sport elimizde keńinen damýda. Memleket te bul baǵytqa kóp qoldaý kórsetýde. Ulttyq stýdentter lıgasy quramynda búginde 36 komanda bar. Stýdentter lıgas úlken qozǵalysqa aınalyp otyr» dedi mınıstr.
