Almatyda keshe jol apaty bolyp, oqıǵa ornyna kelgen polıseıler jol apatyna qatysýshylardyń qarsylyǵyna tap boldy, - dep habarlaıdy «Qamshy» portaly Zakon.kz-ke silteme jasap. Oqıǵa keshe túnde Muqanov kóshesiniń Abaı dańǵylynan tómen tusynda bolǵan. Muqanov kóshesimen ońtústik baǵytta kele jatqan «Deý-Neksıa» kóligine burylystan shyqqan «Leksýs» markaly avtokólik betpe-bet kelip soqtyǵysqan. Apat saldarynan «Neksıada» otyrǵan 3 adam, japon kóligindegi bir adam zardap shekken. Apat ornyna polısıa qyzmetkerleri kelgende Leksýs júrgizýshisi jasyrynyp qalǵan kórinedi. Biraz ýaqyt ótken soń soqtyǵysqan kólikterge «Leksýs» júrgizýshisiniń «qoldaýshylary» kelip, kóliktiń memlekettik nómirlerin sheship áketpek bolady. Polısıa ony baıqap qalyp, toqtatady. Jol apatyna kináli Leksýs kóliginiń júrgizýshisi de osy «qoldaýshylardyń» kóliginde otyrǵanyn kórgen polıseıler olardy ustamaq bolady. Osy kezde tóbeles bastalady. Tóbelesten jáne jol apatynan jaraqat alǵandarǵa medısınalyq jedel járdem qyzmetkerleri kómek kórsetti. Eskertý: vıdeoda bylapyt sózder aıtylady. ​