Jeltoqsan aıy semeılikter úshin úlken qolaısyzdyqtar týǵyzdy. Uzaqqa sozylǵan jyly kún raıy saldarynan qala kóshelerin sý basyp jatyr, - dep habarlaıdy «Qamshy» portaly Tengrinews.kz-ke silteme jasap.
Sońǵy eki aptada komýnaldyq qyzmet mamandary kósheler men jertólelerden 2650 tekshe metrden astam sý sorǵan.
Qazir Semeıdiń kóterme bazary aınalasynda jáne birneshe kóshesinde qar sýy mol jınalyp qalǵan. Mamandar muny qar sýynyń kóptigimen jáne sý aǵarlardyń tıisti talapqa saı bolmaýymen baılanystyrýda.
Tótenshe jaǵdaılar basqarmasyndaǵylar 29 jeltoqsannan bastap kún salqyndap, qardyń erýi toqtaıdy dep boljap otyr.
