Jezóksheler qyzmetterin zańdastyryp, jeke kásipker retinde tirkelýlerine bolady. Bul týraly advokat Jangeldi Súleımenov málimdedi, - dep habarlaıdy «Qamshy» portaly Tengrinews.kz – ke silteme jasap.

Advokattyń aıtýynsha zańnamada jezókshelikke aıyppul salý 1987-2001 jyldar aralyǵynda arnaıy bappen bekitilgen. Keńes kezinde jezókshelikpen aınalysqany úshin 100 rúbl aıyp salynatyn bolǵan. Reseıde qazir osy zań baby saqtalyp, jeńil júristilerge 1500 rúbl kóleminde aıyppul salynady eken.

«Qazaqstanda 2001 jyly jańa Ákimshilik quqyqbuzýshylyq kodeksi qabyldandy. Munda atalǵan bap qarastyrylmady. Osy ýaqyttan bastap jezókshelik zańdy qyzmet bolyp tabylady dep sanaýǵa bolady. Munda keı baptardyń joǵalyp ketýin zań jasaýshylar baıqamaı qalǵan», - degen advokat qazir jezókshelerge qatysty Ákimshilik quqyqbuzýshylyq kodeksiniń 449-baby (qoǵamdyq orynda mazany alý) qoldanylyp júrgenin eskertti.

«449-bap qoǵamdyq orynda seksýaldyq qyzmet usynýǵa tyıym salady. Iaǵnı, qoǵamdyq oryndardan basqa jerlerde mundaı qyzmet kórsetýge tyıym joq. Jezókshelik – jynystyq sıpattaǵy qyzmetterdi júıeli túrde aqyly kórsetý. Iaǵnı, kásipkerlik nysany bola alady. Taǵy bir jáıt, azamattyq kodekste 380-bap «Kelisim-shart erkindigin» qarastyrady. Munda taraptar zańda kórsetilgen de, kórsetilmegen de kelisimderge kelýlerine bolady. Seksýaldy qyzmet kórsetýge munda da tyıym salynbaǵan. Kelisim aýyzsha da, jazbasha da jasalýyna ruqsat. Osyǵan qarap otyryp, biz qazir jezókshelikti zańdastyrýdyń qajeti joq, óıtkeni, ol qazirdiń ózinde zańdastyrylyp qoıǵan», - deıdi zańger.