Memleket basshysy Nursultan Nazarbaev  Qazaqstan Respýblıkasy Prezıdenti Ákimshiliginiń qyzmetkerlerimen kezdesti, - dep habarlady Aqordanyń baspasóz qyzmeti.

Sharaǵa sondaı-aq Prezıdenti Ákimshiliginiń basshysy N.Nyǵmatýlın, Memlekettik hatshy G.Ábdiqalyqova, Prezıdenttiń kómekshisi - Qaýipsizdik Keńesiniń hatshysy N.Ermekbaev, qurylymdyq bólimshelerdiń jetekshileri qatysty.

Kezdesý barysynda Prezıdent Ákimshiliginiń 2015 jylǵy qyzmetiniń qysqasha qorytyndylary shyǵaryldy.

Nursultan Nazarbaev táýelsizdiktiń 25 jyldyǵy qarsańynda el aldynda mańyzdy mindetter turǵanyn, olardy oıdaǵydaı júzege asyrý kóp jaǵdaıda memlekettik qyzmetshilerdiń kásipqoılyǵyna baılanysty ekenin atap ótti.

Sondaı-aq Memleket basshysy qatysýshylardy kele jatqan Jańa jylmen quttyqtap, myqty densaýlyq, jemisti qyzmet jáne ıgilik tiledi.