Reseılik «MIR 24» telearnasy qazaq voleıbolshysy Sábına Altynbekovaǵa ótken jyldyń sporttyq oqıǵalaryn qorytyndylaı kele «seks-sımvol» degen ataq berdi, - dep habarlaıdy «Qamshy» portaly Vesti.kz– ke silteme jasap.
Atalǵan BAQ qazaq sportshysynyń sportta qandaı da bir úzdik nátıjelerge qol jetkizbeı-aq álemdi sulýlyǵymen tań qaldyrǵanyna mán bergen.
«Sábına Altynbekova Azıanyń naǵyz seks-sımvoly bola bildi. Onyń jastar arasyndaǵy Álem chempıonatynan soń dańqy artty. Qazir Sábına tanymaldyq jaǵynan kıno juldyzdarynan kem túspeıdi. Tabynýshylary oǵan kóshede jol bermeıdi» delingen telearna taratqan habarlamada.
Qazirgi tańda japondyq GSS Sunbeams klýbynda jattyǵyp júrgen Sábına Altynbekovanyń sulýlyǵyna 2014 jyly jastar arasynda voleıboldan ótken álem chempıonatynda qytaılyqtar tań qalyp, áleýmettik jelilerli shýlatqan edi.
