Túnde tamaq jeý tek ǵana artyq salmaq qosyp alý degen sóz emes. Ǵalymdardyń aıtýynsha, tún mezgilinde jelingen tamaq mıǵa keri áserin tıgizedi eken. Sebebi aǵza úshin táýliktiń qalyptasqan belgili bir yrǵaǵy buzylýynan adamnyń este saqtaý qabileti nasharlaıdy.

Osy zertteý aıasynda ótkizilgen tájirıbege túnde jorytyp júretin tyshqandar qatystyryldy. Ǵalymdar olardy ekige bóldi. Sosyn 14 kún boıyna birinshi toptaǵy tyshqandarǵa keshki saǵat 9-dan túngi 3-ke deıin tamaq berildi. Al ekinshi toptaǵy kemirgishterge tek kúndiz ǵana tamaq tastap otyrdy.

Eki toptyń uıyqtaǵan ýaqyt mólsheri birdeı bolǵan. Biraq, kóp uzamaı, túnde tamaq jegen tyshqandardyń qalyptasqan táýliktik ómir súrý yrǵaǵy buzylyp, aqýyz bólýine keri áser etken.

Sondaı-aq ǵalymdar túnde jumys istep, tamaqtanǵan adamdardyń ıntellekt deńgeıi tómendegenin baıqaǵan.