Aqtaýda avtojýý qyzmetkeri klıenttiń kóligin aıdap áketti, - dep habarlaıdy kaz.tengrinews.kz "Ladaǵa" silteme jasap.
Basylymnyń málimetinshe, oqıǵa qaladaǵy 28-shi yqshamaýdanda bolǵan. Polısıaǵa Atyraýdyń 27 jastaǵy turǵyny habarlasyp, kóligin jýýǵa aparǵanyn, degenmen keıin odan aıyrylyp qalǵanyn aıtady. Polıseıler kúdiktini izin sýytpaı ustady. Ol Ózbekstannyń 24 jastaǵy azamaty bolyp shyqty. Tergeý málimetinshe, avtojýýshy qolyndaǵy kilttiń kómegimen kólikti aıdap áketken.
Aıta keteıik, osy derek boıynsha QR Qylmystyq kodeksiniń "Kólik quralyn urlaý maqsatynsyz zańsyz aıdap ketý" babyna sáıkes sotqa deıingi tergeý amaldary bastaldy. Oǵan eki jylǵa deıin bas bostandyǵynan aıyrý nemese 1 myń AEK kóleminde aıyppul salý jazasy qoldanylýy múmkin.
