Búgin Ulttyq ulan «Ońtústik» óńirlik qolbasshylyǵyna qarasty áskerı bólimderde 2016 jylǵy jańa oqý kezeńi bastaldy, - dep habarlaıdy «Qamshy» portaly qolbasshylyqtyń qoǵammen baılanys jónindegi ofıseri Aıdos Baıshaǵyrovqa silteme jasap.

«Oqý kezeńiniń ashylýynda Qazaqstan Respýblıkasy Qarýly Kúshteriniń Joǵarǵy Bas qolbasshysy - Prezıdent Nursultan Nazarbaevtyń «Jahandyq qaýip pen qarsylyqtar jaǵdaıyndaǵy ishki jáne syrtqy saıasattaǵy aýqymdy baǵyttar» týraly aıtqan qaǵıdasy memlekettik-quqyqtyq daıyndyqtyń alǵashqy taqyryby retinde tańdaldy» delingen baspasóz qyzmeti taratqan habarlamada.

Qolbasshylyq basqarmasynyń áskerı qyzmetshilerimen, sondaı-aq qolbasshylyqqa baǵynyshty áskerı bólimderdiń ofıserlerimen, kelisimshart boıynsha áskerı qyzmetshilerimen jáne sarbazdarmen alǵashqy sabaqty Ulttyq ulan Bas qolbasshysynyń tehnıka jáne qarý-jaraq jónindegi orynbasary Saǵatbek Nurahmetov júrgizdi. Sabaq barysynda ol Elbasymyzdyń bıylǵy dástúrli Joldaýyn keń aýqymda talqylap, memleketimizdiń 2015 jylǵy jetken jetistikteri men ótkizilgen aıtýly is-sharalarǵa erekshe toqtalyp ótti.

«Aıtyp ótsek, Qazaqstan halqy Assambleıasynyń qurylǵanyna – 20 jyl, Uly Otan soǵysynyń jeńisine – 70 jyl, Ata Zańymyzdyń qabyldanǵanyna – 20 jyl, Qazaq Handyǵynyń qurylǵanyna – 550 jyl, sekildi memleket aýqymynda ótkizilgen is-sharalardyń mańyzdylyǵy zor» dedi S. Nurahmetov.

Sonymen qatar, oqý kezeńiniń alǵashqy kúni «Ońtústik» óńirlik qolbasshylyǵynyń tárbıe jáne áleýmettik-quqyqtyq jumystar basqarmasynyń bastyǵy Nıaztaı Álkeshev óńirlik qolbasshylyq aldynda turǵan mindetterge toqtaldy. Ásker ardageri polkovnık Vıktor Makolov ta

sardarlar men sarbazdarǵa Ulttyq ulannyń taǵylymdy tarıhynan syr shertip, ulttyq patrıottyq tárbıe týraly sabaq ótkizdi.

Alǵashqy memlekettik-quqyqtyq sabaǵy aıaqtalysymen saptyq alańda sap túzegen ulandyqtar qaýipsizdik sharalary boıynsha tájirıbelik sabaqtarǵa tarasty.