Túrkıanyń Erzýrým qalasyndaǵy aýrýhananyń ortopedıa bóliminde em qabyldap jatqan Mahmýt ál-Ganım esimdi ISHIM sodyry terezeden sekirip, qashyp ketken. Bul jaıynda «Birgun» gazeti habarlaıdy.

Aqparatta Kóshi-qon polısıa departamenti ony «jankeshti» (ózin-ózi jaryp jiberýshi) dep tanyǵan. Lańkestikke qarsy kúres departamenti bergen málimetterde de ol «ISHIM jankeshtisi» delingen.

Mahmýt ál-Ganım lańkestik áreketteri úshin isti bolyp, Túrkıa túrmesinde jazasyn ótep jatqan bolatyn. Polısıa onyń 1986 jyly Sırıanyń Halep qalasynda dúnıege kelgenin, lańkester quramynda soǵysyp júrip, qolǵa túsken lańkes ekenin habarlady. Túrkıa quqyq qorǵaýshylarynyń aıtýynsha, lańkester Túrkıanyń qaýipsizdik máselesindegi osaldyǵyn paıdalanyp júrgen kórinedi. Polısıa Ál-Ǵanımnyń aýrýhanadan qashyp shyǵýyn sybaılastarynyń áreketi dep otyr ári radıkal ıslamshylarǵa qarsy qaýipsizdik kúshteriniń «ustanymyn» da bildiredi deıdi. Lańkesterdiń túzeý mekemelerindegi múddelesterine qoldary jete almaǵanymen, aýrýhanalarda jatqandaryn alyp shyǵýǵa múmkindikteri bar. Osyny eskere otyryp, túrkıalyq basylym el azamattaryn qaýipsizdik sharalaryna muqıat bolýǵa shaqyrǵan.

Esterińizge sala keteik, ótken jyldyń qarasha aıynda Ankara qalasynda ISHIM sodyry ózin-ózi jaryp, 97 adam qaza tapqan edi