Ýkraına aspanynda atyp qulatylǵan malaızıalyq ushaq isi boıynsha zertteý júrgizgen Bellingcat sarapshylar toby zenıttik-zymyrandyq keshendi basqarǵan jáne ushaqty atyp qulatýǵa buıryq alǵan 20 áskerı qyzmetshiniń esimderin anyqtady, - dep habarlaıdy DW.

Sarapshylar ázirlegen baıandama oqıǵaǵa qatysy bar áskerılerdiń tolyq aty-jónderimen birge Nıderlandy prokýratýrasyna tapsyrylǵan.

Bellingcat saraptama ortalyǵynyń quryltaıshysy Elıot Hıggıns jolaýshylar ushaǵyn atyp qulatqan Reseı áskerılerin Reseı men Ýkraına shekarasy mańynda ótken jyldyń maýsym aıynda turaqtaǵan áskerı bólinister týraly derekter jáne áskerılerdiń áleýmettik jelilerge jarıalaǵan sýretteri men posttary negizinde anyqtaǵanyn aıtady. Onyń aıtýynsha, reseılik 53-zenıttik-zymyrandyq brıgadanyń keıbir áskerı qyzmetshileri tipti, kezekshilik kestesine deıin jelige  jarıalap otyrǵan.