«NewTimes.kz» aqparat agenttigi «Kókshetaý-Ereımentaý» baǵytynda qatynaıtyn elektr poıyzynyń shamadan tys jolaýshy tıegen vıdeosyn jarıalady.

3 qańtar kúni túsirilgen vıdeoda poıyzdaǵy jolaýshylardyń qoldanystaǵy normadan áldeqaıda kóp ekeni anyq kórinedi. poıyzBul Astana-Kókshetaý aralyǵyndaǵy avtokólik joldarynyń boranǵa baılanysty jabylýyna oraı týyndaǵan jaǵdaı deıdi jolaýshylardyń ózderi.

Oqıǵaǵa baılanysty túsinik bergen «Jolaýshylar tasymaly» AQ-y basshylyǵy muny demalys kúnderinde jıi qaıtalanatyn ádettegi jaǵdaı dep otyr.

«3 qańtarda Kókshetaý-Ereımentaý baǵytynla 800 jolaýshyǵa arnalǵan 8 vagon qyzmet kórsetti. Jolaýshylar sanynyń artatyny eskerilip, buryn qatynap júrgen 6 vagonǵa taǵy ekeýi qosyldy, vagonǵa otyrǵyzý normasyn kóterdik», - degen kompanıanyń paıdalaný bólimi bastyǵy Igor Pak.

Onyń aıtýynsha, qaýipsizdik erejelerinde vagon ishindegi 1 sharshy metr orynǵa 5 adamnan esepteletin kórinedi.

«Bir vagonǵa 50-60 adam mine alady. Biraq, sol kúngi sýyqty eskerip, eshkimdi dalada qaldyrmaý kerek degen sheshim qabyldandy. Mereke saıyn osylaı qosymsha vagondar men elektr poıyzdaryn shyǵaramyz. Múmkindik bolǵanda taǵy da birneshe vagon qosar edik. Alaıda, barymyz osy boldy», - deıdi kompanıa ókili.