Qytaıdyń «Halyq» gazeti «hanzýlar az ulttardy sińirip jatyr» degen kózqarasqa oraı mynadaı aqparat jarıalady:

Qytaı memlekettik ulttyq ister komıtetiniń basshysy Dan «az ulttardy qytaılar sińirip jatyr» deıtin pikirge kelispeıtindigin jetkizdi. «Biz mynadaı eki túrli teris pikirmen kelispeımiz. Biri, qytaısha ortaq tilde sóılese qytaılarǵa sińip ketti deý, endi biri, ulttyq tilde sóılegenderdi «ultshyl» atandyrý. Munyń ekeýi de qate kózqaras», – dedi ol 17 mamyrda sóılegen sózinde. Memlekettik keńestiń atalmysh jıynynda taǵy bir tilshi: «memlekettik ortaq paıdalalynatyn til-jazý men az ulttardyń til-jazýy arasynda qandaı baılanys bar?» degen suraq qoıdy. Dan  bul suraýǵa: negizgi zań boıynsha, ár ulttyń óz til-jazýyn paıdalaný jáne damytý erkindigi bar, sondaı-aq, memleket búkil elimiz boıynsha jappaı paıdalanatyn ortaq til - qytaı tilin jalpylastyrady, sondyqtan bul ekeýin bir-birine qarama-qaıshy qoımaı, durys túsinýimiz qajet», - dep jaýap berdi.

Qazanshynyń óz erki qaıdan qulaq shyǵarsa. Bireýdiń eline baryp «qazaqtardy sińirip jatsyń» dep ókpeleý aspanǵa tas laqtyrǵanmen birdeı. Onyń ornyna «qandastarymyzdy qaıtsek kóshirip alamyz?» dep bas qatyrǵanymyz jón shyǵar.