Astanadaǵy S. Seıfýllın atyndaǵy Qazaq agrotehnıkalyq ýnıversıtetinde adaldyq pen ádildiktiń týyn jyqpaı ótken kórnekti aqyn Farıza Ońǵarsynova eske alý keshi ótti.
Mádenı shara barysynda stýdentterdiń aqyn týraly jyrlary men kórkem sózderi, poezıa janashyrlarynyń, zamandastarynyń jáne jas aqyndardyń estelikteri men óleńderi engizilgen «Poezıa padıshasy- Farıza» atty jańa kitaptyń tusaýkeseri ótti. Jastar qazaq halqynyń ardaqty aqynynyń óleńderin oqyp, ánderin shyrqady. Eske alý keshine jyr sańlaǵynyń jaqyndary men tanymal aqyndar men jazýshylar qatysty.
