قالادان اۋىلعا ءبىر تاكسيگە قازاقستان اۋە قورعانىس كۇشتەرىنىڭ ءبىر قىزمەتكەرىمەن بىرگە وتىرىپ قالدىم. جەتكەنشە ءبىراز اڭگىمەنىڭ باسىن قايىردىق. سونداعى ەكەۋ ارا دياگولوگ تىڭ قىسقارعان ءتۇرى. - نە ىستەيسىز؟ - اۋە قورعانىسىندا. - اسكەرىمىزدىڭ كۇشى قالاي؟ - بولادى، جامان ەمەس. - ورتا ازيادا قازاقستان مەن وزبەكستان كوش باسشىلىققا باسەكەلەس ەل سانالادى. الدا – جالدا (قۇداي بەتىن اۋلاق قىلسىن) كەلىسپەي قالىپ سوعىسىپ قالساق كىم مىقتى؟ - الىپ قويامىز، ءبىز مىقتىمىز. - قالاي سوندا، قاي جاعىنان مىقتىمىز؟ - ەي، ەشتەڭە جوق، بولماي بارا جاتسا رەسەي بار، رەسەي ءبىزدى قورعايدى، ءبىزدى بەرىپ قويمايدى وزبەككە. نە ايتارىمدى بىلمەدىم. اۋزىم جابىلدى، سۇراق-جاۋاپ توقتادى. ءبىزدى جاۋدان قورعايدى دەپ اسكەرلەرىمىزگە سەنىپ جۇرسەك، اسكەرلەرىمىز ءبىزدىڭ جاۋىمىزعا سەنىپ ءجۇرىپتى.