«استانا كەشى كوڭىلدى» وتاندىق كورەرمەنگە مۋزىكالىق ويىن-ساۋىقتىق دۋماننىڭ ساپالى ۇلگىسىن كورسەتەدى. ءار كونسەرت، ءار شىعارىلىمدا تۇراقتى ايدارلار بولماق. ولار: “جۇلدىزدى كاراوكە”، “ءسىز تۋرالى اڭگىمە”، “ءازىل الەمى”، “بي الاڭى”. باعدارلامادا ءبىر ەمەس، ەكى ءان قاتارىنان ورىندايتىن، باعدارلامانىڭ قىزىعىنا اينالاتىن باستى ءانشى بولادى. وسى نەگىزگى ارتىسكە بايلانىستى ارنايى ايدارلار دايىندالادى.
“ءسىز تۋرالى اڭگىمە”ايدارىندا ارتىسكە قاتىستى وتىرىك-شىنى، ءازىلى ارالاس قيلى وسەكتى جيناپ، اق-قاراسىن قوناقتان سۇراپ الامىز. ول جىلدام قويىلعان سۇراققا ويلانباستان “ءيا” نەمەسە “جوق” دەپ قانا جاۋاپ بەرە الادى. باعدارلاماعا اسەم ءانىن ارقالاپ كەلگەن تاعى ءبىر انشىگە ءبىر ءاننىڭ ءماتىنى ازىلمەن وزگەرتىلىپ بەرىلەدى. ءان ءماتىنى سۋرەتتەر، ۆيدەومەن ارلەنىپ، LED-ەكران ارقىلى كورسەتىلەدى. قوناق سول ءاندى دوستارىمەن بىرگە
“جۇلدىزدى كاراوكە”ايدارىندا شىرقاپ بەرۋى كەرەك. ءار شىعارىلىم سايىن ەلىمىزدەگى ءازىل-سىقاق تەاترلارى، كۆن توپتارىنىڭ جايدارمان توپتارىنىڭ مينياتيۋرالار توپتاماسى، سكەچ-كورىنىستەرىنىڭ تۇساۋى كەسىلەدى. تەاتر، توپ ۇجىمدارى ەش جەردە جارىق كورمەگەن ۇزدىك ازىلدەرىن “استانا كەشى كوڭىلدى” ساحناسىندا كورسەتپەك. «استانا كەشى كوڭىلدى» ۇلىستىڭ ۇلى كۇنى، 22-ناۋرىز، كەشكى ساعات 21.20-دا استانا ارناسىنان كورسەتىلەدى. باعدارلامانىڭ وسى شىعارىلىمىنداعى قوناقتارى: اينۇر تۇرسىنبايەۆا نۇرعالي ءنۇسىپجانوۆ «قۇستار» بۇركىت پەن ايشا «مەكەنىم قازاقستان» نۇرلان ابدۋللين «ءاۋىلىم-انىم» «دەرۆيشي» توبى «توينامە» اكاپەللا Vid_MeN «سۇلۋ قىز» باعدارلاما جۇرگىزۋشىلەرى تانىمال كۆن ويىنشىسى نۇرداۋلەت شەرتىم، كورەرمەن كوزايىمىنا اينالعان اقكەنجە ءالىمجان جانە ەرەكشە داۋىس يەسى ءانشى جانار دۇعالوۆا.
