2014 جىلدىڭ 25 ناۋرىزىندا الماتى حالىقارالىق اۋەجايىندا الماتى قالاسى بويىنشا كەدەندىك باقىلاۋ دەپارتامەنتىنىڭ «جەتىسۋ» كەدەن بەكەتىنىڭ قىزمەتكەرلەرى شەتەل ۆاليۋتاسىن زاڭسىز تاسىمالداۋ كونترابانداسىنىڭ جولىن كەستى.
«الماتى – ءۇرىمشى» حالىقارالىق اۋە باعىتىنا كەدەندىك باقىلاۋ جۇرگىزۋ بارىسىندا قازاقستان رەسپۋبليكاسىنىڭ ازاماتى قولعا ءتۇستى.
الماتىلىق كەدەنشىلەر تەكسەرۋ جۇرگىزۋ بارىسىندا قۇرىقتالعان ازاماتتىڭ كەدەن ورگانىنان جاسىرىن الىپ وتپەك بولعان 40 مىڭ اقش دوللارىن تاپقان. كەدەن شەكاراسىنان ءوتۋ كەزىندە تاركىلەنگەن اقشا دەكلاراسيادا كورسەتىلمەگەن.
بۇگىندە الماتى قالاسى بويىنشا كبد تاركىلەنگەن دايەككە قاتىستى تەكسەرۋ امالدارىن جۇرگىزۋدە، تەكسەرۋدىڭ ناتيجەسىنەن كەيىن پروسەسسۋالدى شەشىم قابىلداناتىن بولادى.
الماتى قالاسى بويىنشا كبد
باسپا ءسوز قىزمەتى
