ءبىر جىلدان اسا سوتتاسقان قالامگەرلەر ءسابيت دوسانوۆ پەن ءتۇرسىنالى رىسكەلدييەۆ اراسىنداعى داۋ جوعارعى سوتقا قاراي اياق باستى. "مەنىڭ شىعارمالارىما ۇرلىق جاسادى" دەپ ءسابيت دوسانوۆتى سوتقا بەرگەن رىسكەلدييەۆ اۋداندىق جانە قالالىق سوتتان دا جەڭىلىپ قالعان ەدى. الايدا، "ەڭبەگىمدى قورعاپ قالۋ ءۇشىن سوڭىنا دەيىن كۇرەسەمىن" دەگەن قارت قالامگەر، ەندى جوعارى سوتقا شاعىم ءتۇسىرىپتى.
قىزعانشاقتىق دەگەن قازاقتىڭ اۋرۋى. ءبىز قىزعانشاقپىز.
ءمۇيىزى قاراعايداي ەكى جازۋشىنىڭ داۋىنا نۇكتە قويىپ، ءىستىڭ اق قاراسىن انىقتاۋ ءۇشىن، جازۋشىلار وداعى تاراپىنان ارنايى كوميسسيا دا قۇرىلعان بولاتىن. اقىرى قالالىق سوت «ءسابيت دوسانوۆتىڭ شىعارمالارىندا وزگەنىن ءونىمى قولدانىلماعان» دەپ، مەملەكەتتىك سىيلىقتىڭ يەگەرىن اقتاپ شىققان. الايدا، «تاريحي دەرەكتى روماندارىمداعى 30-عا جۋىق وقيعا جەلىسى ۇرلانعانىن سوتتا دالەلدەۋگە تىرىستىم» دەگەن، ءتۇرسىنالى رىسكەلدييەۆ ءىستى سوڭىنا دەيىن جەتكىزۋگە بەل بۋىپ وتىر.
- See more at: http://www.31.kz/video/show/id/1466#sthash.eEWh27wo.dpuf
