جالپى مانەرلەپ سىرعاناۋدان الەم چەمپيوناتى العاش رەت 1896 جىلى سانكت-پەتەربۋرگتە وتكەن. بيىل "كۇنشىعىس ەلىندە" جالاۋىن جەلبىرەتتى. بۇل جاپونيانىڭ وسى سپورت تۇرىنەن الەم چەمپيوناتىن التىنشى رەت وتكىزۋى. نەگىزى، الەم چەمپيوناتىنا حالىقارالىق كونكي سپورتى تۇرلەرى فەدەراسياسىنىڭ (ISU) قۇرامىنا كىرەتىن ەلدەر 1998 جىلدىڭ 1 شىلدەسىنە دەيىن تۋعان سپورتشىلارىن ۇكىلەپ قوسا الادى. ناقتىراق ايتقاندا، مانەرلەپ سىرعاناۋدىڭ ءتورت سىنىنا (ەرلەر، ايەلدەر، سپورتتىق جۇپ، بي جۇبى) ءار مەملەكەتتىڭ ءبىر سپورتشىدان (جۇپتان) قاتىستىرۋىنا بولادى. ال كەيبىر مەملەكەتتەر بۇعان دەيىنگى الەم چەمپيوناتتارىنىڭ قورىتىندىسى بويىنشا 2-3 سپورتشىدان (جۇپتان) قوسۋعا قۇقىلى. مىسالى، ءبىزدىڭ ەل ەرلەر اراسىنداعى سىنعا ەكى جىگىتىمىزدى قوسۋى ءتيىس بولاتىن. ءبىراق سوچي وليمپياداسىنىڭ قولا جۇلدەگەرى دەنيس تەن بيىلعى الەم چەمپيوناتىنا بارمادى. جاۋاپكەرشىلىگى مول ماۋسىمنىڭ اياعىندا تىنىعىپ العىسى كەلگەن سياقتى... ISU رەسمي سايتىنىڭ مالىمدەۋىنشە، بيىلعى الەم چەمپيوناتىنا 38 ەلدەن 177 سپورتشى (جۇپ) قاتىسادى ەكەن. كەشە الەم چەمپيوناتى باستالىپ، ەرلەر اراسىنداعى قىسقا باعدارلاما سىنى ءوتتى. ەرلەر اراسىنداعى سىنعا 32 سپورتشى قاتىسىپ، ءبىزدىڭ ابزال راقىمعالييەۆ 24-ورىنعا يە بولدى. ءسويتىپ، ەركىن باعدارلامادا ب ا ق سىنايتىن 24 سپورتشىنىڭ قاتارىنا ىلىكتى. ول قىسقا باعدارلامادا 61،77 ۇپاي جينادى. ازىرشە ءبىرىنشى ورىندى 98، 21 ۇپايمەن جاپون جىگىتى تاسۋكي ماچيدا يەلەنىپ تۇر. يسپان ءۇمىتى حاۆەر فەرناندەس (96،42 ۇپاي) ەكىنشى ورىنعا، ال جاپونيانىڭ تاعى ءبىر ساڭلاعى يۋدزۋرۋ حانيۋ (91،24 ۇپاي) ءۇشىنشى ورىنعا ورنالاستى. الەم چەمپيونى مەن جۇلدەگەرلەرى جۇما كۇنى انىقتالادى. Tengrinews.kz.