بيىلعى ناۋرىز-2014 جىلقى جىلى قارساڭىندا قۇرىلعان ناۋرىز-اليانس قاۋىمىنىڭ جۇمىسىن قورىتىندىلاساق،  قاۋىم جوسپارلاعانداي بەس توپپەن جۇمىس اتقاردى:

1. زيالى قاۋىم: كلۋبقا بىرىگۋگە تىلەكتەس عالىمدار، بارلىق ونەرپاز تۇلعالار مەن مەملەكەتتىك،قوعامدىق قايراتكەرلەر،

جۋرناليستەر ءار وڭىردە ورتاق جوبانى ناۋرىز-فەست (توعىزكۇندىك فەستيۆال) ۇيىمداستىرۋدى. اقتوبەلىك جۋرناليست ريكا تەلەارناسى جاڭاگۇل ءجۇرسىن باستاعان توپ 14 ناۋرىزدان باستاپ ءار كۇنگە تەلەكورسەتىم، ميۋزيكل تۇرىندەگى ونىمدەرىن بەردى. بۇل – قاۋىمنىڭ ءبىر سەلتەتكىزەرى. ەكىنشى سەلتەتكىزەر: «تەرىسقاقپاي» تەاترى ارنايى جوبامەن شىقتى. ءۇشىنشى سەلتەتكىزەر: تۋىندىگەرلەر اراسىندا ەرمەك تۇرسىنوۆ جاڭا «كەمپىر» اتتى ءفيلمىنىڭ بەتىن ناۋرىز قارساڭىندا اشىپ، جاقسى ءداستۇردى باستادى. ءتورتىنشى سەلتەتكىزەر: قۇتپاراق بەزەندىرۋ بويىنشا كىرىسكەن استانالىق سۋرەتشى اڭسا مۇستافا مەن الماتىلىق ديزاينەر سۆەتلانا پوپوۆا (ۆەتا) قازاقى بوياۋعا تولى، مازمۇنعا باي تۋىندىلارىن جاريالاپ ناۋرىزعا قاتىستى توعىز كۇندى بوياۋعا قاندىردى. وكىنىشكە وراي، قارجىنىڭ جوقتىعىنان تۋىندىلار قۇتپاراققا، پلاكاتقا اينالماي قالدى...

1. اكىمشىلىك توبى. بەلگىلى جۋرناليست، بۇگىندە وقو اكىمىنىڭ جاريا قىزمەتىن باسقارۋشى بەرىك ءۋاليدىڭ سەپتىگىمەن، وقو ەكىباستان وبلىس اكىمى ا.مىرزاحمەتوۆتىڭ قولداۋىمەن بيىل دا ناۋرىزدىڭ ايىزى قانعان مەرەكە شىمكەنتتە بولىپ ءوتتى. قالادا ءتىپتى ناۋرىز الاڭى پايدا بولدى. ءونىس كۇنى بەشپەت-شالبار تىگەتىن كومبينات ىسكە قوسىلدى. وكىنىشكە وراي، ق ر مادەنيەت مينيسترلىگى ۇلتتىق-مەملەكەتتىك مەرەكەنى بيىل دا ءوز دەڭگەيىندە وتەرلىك قىزمەت اتقارمادى. بار بولعانى جەرگىلىكتى اكىمدىكتەر دەڭگەيىندە جىلداعى ەتنوگرافيالىق ەسكە الۋ كۇندەرى قايتالاندى. ونىڭ ەسەسىنە تۇركيادا تۇركىلەردىڭ مادەني استاناسى مارتەبەسى بار ەسكىشەحەر قالاسىنداعى ناۋرىز مەيرامى ايتارلىقتاي جالپىتۇركىلىك ايقىمدى قامتىدى. شىعىس قازاقستان وبلىسى 7 كۇن بويى توي-دۋمان وتكىزەتىنى تۋرالى سىبىس شىققانىمەن ناقتى ناسيحاتى بايقالمادى.

1. مەملەكەتتىك ۇيىمدار توبىنداعى كومپانيالار، جوو، مەكتەپتەر، كوللەدجدەر، ليسەيلەر، بالاباقشالارعا جىلداعى قارقىنمەن، سيپاتپەن قازاق جاڭا جىلدى فولكلورمەن، ەتنوگرافيامەن «كوركەمدەدى». اتالمىش ۇيىمدار اراسىندا كرەاتيۆكە،ناۋرىزدىق تانىم مەن بولمىسقا قۇرىلعان مەرەكە نەكەن ساياق بولدى.

1. بيزنەس-قۇرىلىم تاراپىنان ناۋرىز مەرەكەسىنە دەگەن مۇددەلىك سەزىم مەن باستاما بايقالعان جوق. «اتامەكەن» اتتى ۇلتتىق پالاتاسى بار ەگەمەن ەلدىڭ بيزنەسمەندەرى ۇلتتىڭ «شۇلەن تاراتۋ» دەگەن اياۋلى ءداستۇرىن دە قالپىنا كەلتىرمەدى... مىناداي ەكى باعىتتىڭ ءبىرى دە قوزعالعان جوق:

• ناۋرىزدى مەرەكەلەۋگە قاتىستى اتريبۋتتاردى ازىرلەۋگە، ناسيقاتتاۋعا قاجەتتى شىعىندارعا دەمەۋشىلىك كورسەتۋ؛
• ناۋرىز مەيرامىنا قاتىستى سۇرانىس تۋدىراتىن كوممەرسيالىق ونىمدەر مەن جوبالاردى اتقارۋعا ينۆەستور بولۋ.

1. 5.     ناسيقاتشىلار قاتارىندا اباي.كز.، قامشى.كز.، «ۆەچەرنيايا استانا» گازەتى، «شالقار» راديوسى، «قازاقستان» تەلەارناسى، «قازاقيا»، «جەبە» گازەتتەرى تاعى باسقا باقتار، سونداي-اق فەيسبۋكتاعى «ناۋرىز» توبىنىڭ مۇشە-بلوگەرلەرى بەلسەنە قاتىستى.

جالپى العاندا، بيىلعى ناۋرىز دا جىلداعىداي كۇنتىزبەلىك جاڭا جىل مەرەكەسىنە جەتەرلىك جارقىن كەيىپ بولمادى، ميلليونداعان قارجى بولىنبەدى. جەرگىلىكتى اكىمدىكتەرگە قارايتىن مادەنيەت باسقارمالارى جەر شۇقىعان كۇيى وتكىزدى. ارينە، كيىزۇي تىگىپ كوشەنىڭ ءسانىن كەلتىرگەندى ەسكەرمەگەندە... دەسەك تە، ۋكراين-رەسەي وقيعاسى قارساڭىنا ءدوپ كەلگەن جىلقى جىلىنىڭ مەيرامى ەلدىڭ ەگەمەندىگىن ءبارىبىر پاش ەتتى، ەل ەڭسەسىن كوتەردى. قورىتا ايتساق، ناۋرىز-اليانس قاۋىمى قالىپتاستى، كەلەسى جىلعا الاقاندارىن ىسىپ شىعاتىن جاندار لەگى توپتاستى.