جۇڭگو ۇكىمەتى ءوز ەلدەرى تاريحىنداعى ەڭ ءىرى سىبايلاس جەمقورلىقتى تەرگەۋ بارىسىندا بۇرىنعى قوعامدىق قاۋىپسىزدىك ءمينيسترى چجوۋ يۋنكان مەن ونىڭ وتباسى مۇشەلەرىنەن 14،5 ميلليارد دوللار سوماسىنداعى اكتيۆتى الىپ الدى.

جۇڭگو ءمينيسترى 2013 جىلى جەلتوقسان ايىندا سىبايلاس جەمقورلىققا قاتىستى ايىپتالعان. جۇڭگو پارتياسىن باسقاراتىن دەرەك كوزىنىڭ مالىمدەگەندەي، بۇرىنعى مينيستردەن بولەك بۇل ىسكە قاتىستى ونىڭ اينالاسىنداعى 300-دەن استام ادامنىڭ ءاتى-جونى ايتىلۋدا. ولار – ونىڭ تۋىستارى، ساياسي وداقتاستارى، 1996-1998 جىلدارى باس ديرەكتورى وسى ەكس-مينيستر بولعان CNPC مۇناي-گاز كورپوراسياسىنىڭ قىزمەتكەرلەرى. ولاردىڭ كوبىسى تۇتقىندالعان. تەرگەۋ بارىسىندا 5،9 ميلليارد دولار كولەمىندە بانكتىك ەسەپ-شوتتار توقتاتىلعان، جالپى سوماسى سەگىز ميللارد دوللاردان اساتىن قىتايلىق جانە حالىقارالىق كومپانيالاردىڭ قۇندى قاعازدارى الىپ الىنعان. سونداي-اق 300 پاتەر جانە ءۇي، انتيكۆاريات جانە ونەر تۋىندىلارى، 60 كولىك قۇرالى، التىن جانە كۇمىس بۇيىمدار، شەتەلدىك ۆاليۋتاداعى قولدارىنداعى اقشالاي قاراجاتتار تاركىلەنگەن.

چجوۋ يۋنكان قحر قوعامدىق قاۋىپسىزدىك مينيسترلىگىن 2002 جىلدان 2007 جىلعا دەيىن باسقارعان. 2007-2012 جىلدارى 17ء-شى شاقىرتىلىمداعى قكپ وك ساياسيبيۋروسىنىڭ تۇراقى كوميتەتىنىڭ مۇشەسى بولعان.

tengrinews.kz